गोठगाउँः डिप्रोक्स लघुवित्त वित्तीय संस्थाले सुन्दरहरैंचाको सामाजिक मिलन केन्द्र प्रतिष्ठानलाई सामाजिक उत्तरदायित्वअन्तर्गत नगद २५ हजार रुपैयाँ सहयोग प्रदान गरेको छ ।
मङ्गलबार बिहान प्रतिष्ठानको कार्यालय गोठगाउँमा भएको कार्यक्रममा प्रमुख कार्यकारी अधिकृत शेषरमण आचार्य, सहायक महाप्रवन्धक पुष्पराज अधिकारी, मुख्य प्रबन्धक बुद्धिराज घिमिरेलगायतले सहयोग रकमको चेक प्रतिष्ठानका अध्यक्ष गंगाप्रसाद पोखरेललाई हस्तान्तरण गर्नुभएको हो ।
कार्यक्रममा सो लघुवित्तका प्रदेश र शाखाका कर्मचारी तथा सामाजिक मिलन केन्द्र प्रतिष्ठानका आजीवन सदस्यहरु कार्यक्रममा उपस्थित हुनुहुन्थ्यो ।
अधिकांश ६० वर्षमाथिका व्यक्ति आजीवन सदस्य रहेको सो प्रतिष्ठानले सबैको मन जित्ने काम गरिरहेको छ । लगभग ७०० जना आजीवन सदस्य रहनुभएको प्रतिष्ठानलाई समाजका हरेक क्षेत्रका व्यक्तिको साथ रहेको छ । सो प्रतिष्ठानमा आजीवन सदस्य तथा अन्य व्यक्ति बिहानदेखि बेलुकासम्म बसेर सुखदुःख साट्ने काम गर्नुहुन्छ । संस्थाका आजीवन सदस्य तथा अन्य व्यक्तिले प्रतिष्ठानमा गएर जन्मदिन मनाउने गर्नुभएको छ ।
प्रतिष्ठानले भवन बनाउनका लागि जग्गा खरीद गरिसकेको छ । भवन निर्माणका लागि प्रतिष्ठानले सहयोग सङ्कलन गरिरहेको छ । राजनीतिबाट प्रतिष्ठानलाई मुक्त राख्न जुनसुकै कार्यक्रममा निम्त्याइएका अतिथिलाई राजनीतिक भाषण नगर्न प्रतिष्ठानले अनुरोध गर्ने गरेको छ ।
सामाजिक मिलन केन्द्रको सामुदायिक तथा ज्येष्ठ नागरिक भवन निर्माणका लागि सहारा साकोसले सहयोग गर्ने
