विराटचोकः आज फागुन २१ गते प्रतिनिधि सभा सदस्य चयनका लागि देशभर शान्तिपूर्ण रुपमा मतदान सम्पन्न भएको छ। यसैबीच मोरङ जिल्लाको निर्वाचन क्षेत्र नम्बर ६ मा अघिल्लो पटकको मत परिणाम कस्तो थियो भन्ने यहाँ देखाउने प्रयास गरिएको छ ।
मोरङ क्षेत्र नम्बर ६ मा गत निर्वाचनमा नेपाली कांग्रेसका डा. शेखर कोइराला विजयी हुनुभएको थियो । नेकपा माओवादी केन्द्रसँग तालमेल भएको सो क्षेत्रमा प्रदेशसभाको एक सिट माओवादी केन्द्रका जीवन आचार्यका लागि छाडिएको थियो । यसपटक कुनै पनि दलले गठबन्धन गरेका छैनन् ।
गत निर्वाचनमा नेपाली कांग्रेसका डा. शेखर कोइरालाले ३५,७३९ मत ल्याएर विजयी हुँदा नेकपा एमालेका लालबाबु पण्डितले २१,३९२ मत ल्याउनुभएको थियो । तेस्रो स्थानमा रहेका राष्ट्रिय स्वतन्त्र पार्टीका यादवकुमार प्रधानले ८,५३१ मत ल्याउनुभएको थियो ।
सो क्षेत्रमा प्रत्यक्षतर्फ ८५,६१३ मत खसेकोमा ८०,४२६ मत सदर भएको थियो । समानुपातिकतर्फ ८५,९६१ मत खसेकोमा ८०,९८० मत सदर भएको थियो ।
समानुपातिकतर्फ नेपाली कांग्रेसले २३,४१०, नेकपा एमालेले १९,३८९, राष्ट्रिय स्वतन्त्र पार्टीले ११,५२६, राष्ट्रिय प्रजातन्त्र पार्टीले १०६४१ र नेपाल कम्युनिष्ट पार्टी (माओवादी) ले ८,१८५ मत ल्याएका थिए । नेशलिष्ट पिपुल्स पार्टीले सबैभन्दा कम ६ मत पाएको थियो ।
सो क्षेत्रमा अघिल्लो निर्वाचनमा ६७ प्रतिशत मतदाताले मतदान गरेका थिए ।
क्षेत्र नम्बर ६ मा यस पटक १,३७,८३२ जना मतदाता रहेका छन् । जसमा ७०,६१७ जना पुरुष तथा ६७,२१४ जना महिला र १ जना अन्य लिङ्गी मतदाता रहेका छन् ।
नेकपा माओवादी केन्द्रका उम्मेद्वार विजयी भएको मोरङ ४ मा २०७९ को निर्वाचनमा यस्तो थियो अन्तिम परिणाम
२२७१६ मतान्तरले कांग्रेस विजयी हुँदा २०७९ को निर्वाचनमा मोरङ ३ मा यस्तो थियो अन्तिम परिणाम
समानुपातिकमा भन्दा प्रत्यक्षमा बढी मत खसेको मोरङ २ को यस्तो थियो ०७९ सालको निर्वाचनको नतिजा
