विराटचोकः शान्तिपूर्ण रुपमा मतदान सम्पन्न भएपछि आज सञ्चारमाध्यम तथा विभिन्न व्यक्तिले प्रधानमन्त्री सुशीला कार्कीको प्रशंसा गर्दैै समाचार लेख्नुका साथै सामाजिक सञ्जालमा आफ्नो धारणा राखेका छन् ।
सोचेभन्दा सहज तरिकाले मतदान शान्तिपूर्ण रुपमा सम्पन्न भएको भन्दै सबैले प्रधानमन्त्री कार्कीको प्रशंसा गरेका हुन् ।
अनलाइन खबर डट कमले ‘सुशीला कार्कीको विजय’ शीर्षकमा समाचार प्रकाशन गरेको छ ।
अनलाइन खबरले नै नेपाली जनताको विजय, अतिवादको पराजय शीर्षकमा सम्पादकीय लेखेको छ ।
शिलापत्र डट कमले ‘धन्यवाद सुशीलाः संकट टर्याे, संक्रमण नलम्बियोस्’ शीर्षकमा सम्पादकीय लेखेको छ ।
शिलापत्रले नै ‘सुशीला कार्कीको इलेक्जिटः निर्वाचन शंकादेखि सफलतासम्म’ शीर्षकमा समाचार प्रकाशन गरेको छ ।
रास्वपाका नेता बालेन शाहले प्रधानमन्त्री कार्कीको प्रशंसा गर्दै आज लोकतन्त्रले जितेको भनी सामाजिक सञजालमा स्टाटस लेखेका छन् ।
जनमत पार्टीका अध्यक्ष सिके राउतले आशंकै आशंका र सुरक्षा चुनौतीका बाबजुद पनि चुनाव सम्पन्न गरेको भन्दै प्रधानमन्त्री सुशीला कार्कीलाई धन्यवाद दिएका छन् ।
उता, शान्तिपूर्ण निर्वाचन गराएको भन्दै नेपाली कांग्रेसका सभापति गगन थापाले सरकारलाई धन्यवाद दिएका छन् ।
