विराटनगरः भारतबाट अवैध रूपमा नेपाल भित्र्याएर भण्डारण गर्ने तयारी गरिएको करिब २५ लाख रुपैयाँ मूल्य बराबरको सयपत्री फूलका माला सशस्त्र प्रहरीले बरामद गरेको छ ।
सशस्त्र प्रहरी बल, नेपाल नम्बर ३ गण हेडक्वार्टर कंकालिनी, मोरङबाट खटिएको टोलीले कात्तिक १४ गते बिलबिजकबिनै ल्याइएका सयपत्री फूलका तयारी माला नियन्त्रणमा लिएको हो ।
ती माला ग्लोबल कोल्ड स्टोर र राधाकृष्ण कोल्ड स्टोरमा राख्ने तयारी भइरहेको अवस्थामा फेला परेको सशस्त्र प्रहरीले जनाएको छ ।
बरामद मालाको अनुमानित बजार मूल्य २५ लाख रुपैयाँ रहेको जनाइएको छ ।
नियन्त्रणमा लिइएका माला सशस्त्र प्रहरी बल नेपाल नम्बर ३ गण हेडक्वार्टर कंकालिनीमा राखिएको जनाइएको छ ।
