काठमाडौंः आज काठमाडौंको तीनकुनेमा राजवादी प्रदर्शनकारीले गरेको कुटपिटबाट अनलाइन खबरका सञ्चारकर्मी दिनेश गौतमको खुट्टा भाँचिएको छ ।
रिपोर्टिङका लागि काठमाडौंको तीनकुने क्षेत्र पुगेका गौतममाथि राजावादी प्रदर्शनकारीहरूले कुटपिट गरेका थिए । राजावादी प्रदर्शनकारीले प्रहरीको अश्रुग्यास हान्ने हतियार खोसेका थिए । सो दृश्य पत्रकार गौतमले खिचेपछि गौतमलाई सिआइडी भन्दै प्रदर्शनकारीले आक्रमण गरेका थिए ।
प्रदर्शनकारीहरूले उनको मोबाइल खोस्नुका साथै कुटपिट गर्दा उनको देब्रे खुट्टाको गोलीगाँठानेर भाँच्चिएको छ । उपचारपछि उनी कार्यालय फर्किएका छन् ।
आज नै राजावादी प्रदर्शनकारीले तीनकुनेको एक घरमा आगजनी गर्दा एभिन्युज टेलिभिजनका पत्रकार सुरेश रजकको जलेर मृत्यु भएको छ ।
तीनकुनेमा भएको आगजनीमा परी आन्दोलनको भिडियो खिचिरहेका सञ्चारकर्मी सुरेश रजकको मृत्यु
