तीनकुनेमा भएको आगजनीमा परी आन्दोलनको भिडियो खिचिरहेका सञ्चारकर्मी सुरेश रजकको मृत्यु

काठमाडौंः आज साँझ तीनकुनेको एक भवनको छतमा चढेर टेलिभिजनका लागि आन्दोलनका दृश्य खिचिरहेका सञ्चारकर्मी सुरेश रजकको मृत्यु भएको छ ।

आज राजावादीहरुले तीनकुनेमा गरेको प्रदर्शनमा प्रहरीसँग झडप भएपछि एक भवनमा आगजनी गरेका थिए । सोही भवनको छतबाट भिडियो खिचिरहेका रजकको जलेर मृत्यु भएको हो ।

सो भवनभित्र सञ्चारकर्मी रहेको जानकारी प्रहरीलाई दिँदादिँदै पनि उद्धार नहुँदा ज्यान गएको बताइएको छ ।