विराटचोकः सुन्दरहरैंचा–५ नयाँ वृन्दावन गौशालामा यही बैशाख १८, १९ र २० गते ‘शिवालय मन्दिरको प्राणप्रतिष्ठा’ हुने भएको छ । पं. भवानीशंकर निरौलाले वैदिक विधिबाट मन्दिर र मूर्तिको प्राणप्रतिष्ठा गर्नुहुने भएको छ ।
त्यस्तै, वैशाख २० गते शिक्षाविद् रामप्रसाद काफ्लेको जीवनीमा आधारित पुस्तक ‘सेवाको सारथी’ को लोकार्पण हुने भएको छ । काफ्ले प्रतिष्ठित सुकुना बहुमुखी क्याम्पसका संस्थापक क्याम्पस प्रमुख हुनुहुन्छ ।
नयाँ वृन्दावन गौशालाकी अध्यक्ष गंगादेवी काफ्ले प्रकाशक रहेको पुस्तक बिक्रीबाट हुने आम्दानी वृन्दावन गौशालाको कोषमा राखिने नयाँ वृन्दावन गौशालाका संरक्षक महामण्डलेश्वर दीनबन्धु शास्त्रीले जानकारी दिनुभयो ।
त्यसैगरी, नेपाल ज्योतिष परिषद् कोशी प्रदेशको पहलमा गौशालामा विज्ञान गृह पनि चाँडै निर्माण गरिने शास्त्रीले बताउनुभयो ।
