विराटचोकः नेपाल कम्युनिस्ट पार्टी एमाले सुन्दरहरैंचा नगर कमिटीले हालै भएको पार्टी अधिवेशन तथा स्ववियु निर्वाचनमा विजयी हुने कार्यकर्तालाई हिजो एक कार्यक्रम गरी बधाई दिएको छ ।
नेकपा एमाले सुन्दरहरैंचा अध्यक्ष मातृकाप्रसाद ढकालको अध्यक्षतामा भएको कार्यक्रममा पार्टीको हालै सम्पन्न अधिवेशनमा सुन्दरहरैंचा भूगोलबाट निर्वाचित हुने पदाधिकारीलाई बधाई दिइएको हो । त्यस्तै, सुकुना बहुमुखी क्याम्पसमा भएको स्वतन्त्र विद्यार्थी युनियनको निर्वाचनमा विजयी हुनेहरूलाई पनि सो कार्यक्रममा बधाई दिइएको थियो ।
