खेमचन्द्र अधिकारी
विराटचोकः महिला पुनस्र्थापना केन्द्र (ओरेक) नेपालको कर्मचारीको रुपमा कार्यरत सुशीला सुवेदीलाई सन् २०२० मा एउटा अवसर प्राप्त भयो । द स्कुल अफ साइक्लोजी नामक संस्थामार्फत् काठमाडौंमा उहाँले मनोविमर्शसम्बन्धी तालीम लिनुभयो । २० जना साथीसँग मिलेर ६ महिनासम्म लिएको सो तालीमले नै उहाँलाई मनोविमर्शकर्ता भनेर चिनाउन पुग्यो ।
सो क्रममा मानसिक स्वास्थ्यसम्बन्धी २ महिना सैद्धान्तिक र ४ महिना व्यावहारिक ज्ञान लिएपछि उहाँले मनोविमर्शकर्ताको प्रमाणपत्र पाउनुभयो । जुन प्रमाणपत्र नेपालभर मान्यताप्राप्त प्रमाणपत्र हो । त्यसपछि ओरेक नेपालको काम छोडेर स्वतन्त्र मनोविमर्शकर्ताको रुपमा काम गर्न उहाँले थाल्नुभयो । लागू औषध दुव्र्यसन, तनाव व्यवस्थापन, मानसिक स्वास्थ्य र आत्महत्या रोकथाम विषयमा परामर्श दिन उहाँ भौतिक तथा
उहाँका अनुसार आम मानिसमा मानसिक स्वास्थ्यको बारेमा राम्रो चेतना छैन । मानसिक स्वास्थ्यलाई धेरैले लुकाउने गरेको पाइन्छ । म डिप्रेसनको औषधी खान्छु भनेर मानिसले भन्न सक्ने अवस्था अझै छैन । यो लजाउने र लुकाउने विषय होइन । जनस्तरमा मानसिक स्वास्थ्यको बारेमा चेतना जगाउनुपर्ने भए पनि त्यसतर्फ ध्यान नदिएको देख्दा उहाँलाई अचम्म लाग्छ । पालिकाका शिक्षा शाखा, स्वास्थ्य शाखा, सामाजिक शाखाले यस विषयमा ध्यान दिनुपर्ने भए पनि त्यस्तो नपाइने उहाँ बताउनुहुन्छ ।
प्रविधिका कारण मानसिक समस्या आउने तथा साइबर क्राइमका घटना हुने गरेका छन् । तीन पटकसम्म आत्महत्याको प्रयास गरेकी एक जना किशोरीलाई एउटा सचेतना कार्यक्रममा भेटेर परामर्श दिएपछि सामान्य अवस्थामा फर्काउन सफल भएको घटना उहाँसँग ताजै छ ।
नगर बाल सञ्जाल सुन्दरहरैंचाकी संरक्षक सुवेदी लघुकथा र मुक्तक लेखनमा पनि सक्रिय हुनुहुन्छ । उहाँलाई जनचेतना फैलाउने काममा जान श्रीमान् उमेश पाठकका साथै परिवारको राम्रो सहयोग छ ।
सम्बन्धित समाचारहरू
मीना चौधरीः ३५ वर्ष एउटै विद्यालयमा प्रधानाध्यापक (नारी दिवस विशेष ५)
हौसला र प्रेरणाको साथमा अघि बढेकी नीलम ढुङ्गाना (नारी दिवस विशेष ४)
समाजसेवा, शिक्षण र सहकारी व्यवस्थापन सँगसँगै गर्ने योजना शर्मा (नारी दिवस विशेष ३)
