दैलेखः दैलेखको महाबु गाउँपालिकाको अध्यक्षमा नेकपा एमालेका जंगबहादुर शाही विजयी हुनुभएको छ । यसअघि यहाँ नेपाली कांग्रेस विजयी भएको थियो ।
हिजो सम्पन्न उपनिर्वाचनको अन्तिम मत परिणामअनुसार एमालेका शाहीले ३१२७ मत ल्याउँदा नेपाली कांग्रेसका झलकबहादुर भण्डारीले २६७५ मत, नेकपा माओवादी केन्द्रका जंगबहादुर बरालमगरले ८४२ मत र रास्वपाका प्रकाशकुमार बुढाले ११२ मत ल्याउनुभएको छ ।
२०७४ सालको स्थानीय तहको निर्वाचनमा उनी एमालेबाट विजयी भए पनि पार्टी विभाजनपछि एकीकृत समाजवादीमा लागेर ०७९ को स्थानीय तहको निर्वाचनमा अध्यक्ष पदमा उठ्दा २२६८ मत ल्याएर तेस्रो भएका थिए ।
निर्वाचित शाही यसअघि एकीकृत समाजवादीको केन्द्रीय सदस्य एवम् दैलेख जिल्ला अध्यक्ष थिए । उनी उपनिर्वाचनअघि मात्रै एमालेमा फर्किएका थिए ।
स्थानीय तहमा रास्वपाको पहिलो जीत, काठमाडौं १६ को वडाध्यक्षमा ७०० मतान्तरले रोजिना श्रेष्ठ विजयी
