विराटचोकः स्थानीय एलएक्स सिटी फुटबल क्लबको आयोजनामा मोरङको बेलबारी ११ लक्ष्मीमार्गमा आजदेखि बेलबारी खेलकुद प्रवद्र्धन तथा सांस्कृतिक महोत्सव–२०८१ आयोजना हुने भएको छ ।
स्थानीय कलाकारको प्रतिभा प्रष्फुटन गर्ने वातावरण सिर्जना गर्नु, स्थानीय जातजातिको खानपानको विशेषता चिनाउनु, बेलबारीलाई नेपालमै चिनाउन मद्धत गर्नु, जातजातिका झाँकी सहितको सांस्कृतिक कार्यक्रम गरि सबैलाई परिचित गराउनु, स्थानीय खेलकुद प्रवद्र्धन तथा व्यवसायको स्तर वृद्धि गर्नु, बेलबारी नगरको पर्यटकीय स्थललाई परिचित गराउनु महोत्सवको मुख्य उद्देश्य रहेको आयोजकले जनाएको छ ।
महोत्सव संयोजक नूतन लिम्ब (मादेन) का अनुसार महोत्सवमा देशका चर्चित कलाकार र ब्याण्डहरुको दैनिक प्रस्तुति रहने छ । क्लबका महासचिव शम्भु बस्नेतका अनुसार महोत्सवमा ६५ लाख खर्च हुने र ७० लाख आम्दानी हुने अनुमान गरिएको छ ।
