विराटचोकः नेपाली कांग्रेसको १५ औँ महाधिवेशनअन्तर्गत मोरङको सुन्दरहरैंचामा आज नगर अधिवेशन हुँदैछ । अधिवेशनले नयाँ नेतृत्व चयन गर्नेछ ।
नगर सभापति पदका लागि शुरुमा ६ जनाले उम्मेद्वारी घोषणा गरे पनि तीमध्ये तीन जनाले सो घोषणा फिर्ता लिनुभएको जनाइएको छ ।
सभापति पदका लागि होमनाथ पोखरेल, हरि बस्नेत र हरि पौडेलले उम्मेद्वारी दिने सम्भावना रहेको जनाइएको छ ।
उपाध्यक्ष, सचिव, सहसचिवलगायत केही पदमा निर्वाचन हुने सम्भावना रहेको जनाइएको छ । सबै पदमा सर्वसम्मत नेतृत्व चयनका लागि प्रयास भइरहेको बताइएको छ ।
बिहान ८ बजेदेखि नगर अधिवेशन सुकुना बहुमुखी क्याम्पसमा हुने भएको छ ।
