काठमाडौंः त्रिभुवन विश्वविद्यालयले १७ वटा संघसंस्थालाई ३५ दिनभित्र जग्गा खाली गर्न पत्राचार गरेको छ । विश्वविद्यालयको सामान्य प्रशासन महाशाखाले जग्गा अतिक्रमण गर्ने संघ–संस्थालाई बैशाख ४ गते ३५ दिने सूचना जारी गरेको हो ।
विश्वविद्यालयको जग्गा तथा अचल सम्पत्ति छानबिन समितिको प्रतिवेदनको आधारमा जग्गा फिर्ता ल्याउने प्रक्रिया शुरु गरिएको बताइएको छ । विश्वविद्यालयको २ हजारभन्दा बढी रोपनी जग्गा निजीदेखि धार्मिक संघ–संस्थाले प्रयोग गरेको पाइएको छ ।
विश्वविद्यालयको स्वामित्वमा रहेको कीर्तिपुरमा मात्रै करिब १ हजार ५ सय रोपनी जमिन भोगचलनका हिसाबले विभिन्न संस्थाको मातहतमा गइसकेको प्रतिवेदनमा उल्लेख छ ।
यी हुन् त्रिविले पत्राचार गरेका १७ संघसंस्था
– नेपाल क्रिकेट संघ
– ल्याबरोटरी माध्यमिक विद्यालय
– बीपी कोइराला मेमोरियल प्लानेटोरियम
– कृषि बागबानी केन्द्र
– काठमाडौँ उपत्यका खानेपानी लिमिटेड
– आयुर्वेद अनुसन्धान तथा तालिम केन्द्र
– राधास्वामी सत्संग व्यास नेपाल
– नेपाल प्राध्यापक संघ
– त्रिभुवन विश्वविद्यालय प्राध्यापक संघ
– त्रिवि कर्मचारी संघ
– नेपाल बैंक लिमिटेड
– ग्लोबल आईएमई बैंक
– नेपाल नेत्रज्योति संघ
– रक्तसञ्चार केन्द्र
– कीर्तिपुर नगरपालिका
– नेपाल विद्युत् प्राधिकरण
– कविन्द्र जेभी
