सुन्दरहरैंचाः शिवपाञ्चायन मन्दिर व्यवस्थापन समिति सुन्दरहरैंचा ७ गोठगाउँले पञ्चायत माध्यमिक विद्यालयका ५७ जना विद्यार्थीलाई न्यानो कपडा वितरण गरेको छ ।
सो विद्यालयका कक्षा १ देखि ५ सम्मका ५७ जना विद्यार्थीलाई न्यानो कपडा वितरण गरिएको हो । मन्दिर व्यवस्थापन समितिले सामाजिक सेवाअन्तर्गत सो विद्यालयका विद्यार्थीलाई न्यानो कपडा वितरण गरेको विद्यालय सञ्चालक समितिका अध्यक्ष पोष्टकुमार श्रेष्ठले बताए ।
न्यानो कपडा वितरण समारोहमा मन्दिर व्यवस्थापन समितिका सदस्यका साथै विद्यालय व्यवस्थापन समितिका पदाधिकारीहरुको उपस्थिति थियो ।
यसअघि मन्दिर व्यवस्थापन समितिले ठडिया आधारभूत विद्यालय सुन्दरहरैंचाका २७ जना विद्यार्थीलाई न्यानो कपडा वितरण गरेको थियो ।
शिवपाञ्चायन मन्दिरले ठडियाका २७ जना विद्यार्थीलाई दियो न्यानो कपडा
