विराटचोकः सुविजीमुर माध्यमिक विद्यालयको ३१ औं वार्षिक उत्सव तथा अभिभावक दिवस कार्यक्रम शुक्रबार सम्पन्न भएको छ ।
सो कार्यक्रममा पत्रकार मणिराम दाहाललाई विद्यालयले नगद १० हजार रुपैयाँसहित सम्मान गरेको थियो ।
कार्यक्रममा विद्यार्थीहरूले आफ्ना विभिन्न प्रतिभाहरू प्रस्तुत गरेका थिए । गत वर्षको शैक्षिक सत्रमा शिक्षा, खेलकुद तथा अन्य विभिन्न विधामा उत्कृष्ट हुने विद्यार्थीलाई कार्यक्रममा पुरस्कृत गरिएको थियो ।
विद्यालय व्यवस्थापन समितिका अध्यक्ष केशव अधिकारीले गर्नुभएको थियो । प्रमुख अतिथि प्याब्सन मोरङका अध्यक्ष जगतबहादुर बस्नेत रहनुभएको थियो । अतिथिका रूपमा नारायण कार्की, विद्यालय निर्देशक रमेश खड्का लगायतको उपस्थिति रहेको थियो ।
अध्यक्ष अधिकारीले विद्यालयले ३१ वर्षको यात्रामा हासिल गरेको उपलब्धि उल्लेखनीय रहेको बताउँदै अभिभावक, शिक्षक, विद्यार्थी र समाजको सहकार्यले विद्यालयले सो सफलता प्राप्त गरेको बताउनुभयो ।
