विराटचोकः सुन्दरहरैंचा महिला मञ्चको शनिबार सम्पन्न तेस्रो साधारणसभा तथा दोस्रो अधिवेशनबाट विमला अधिकारी ढकालको नेतृत्वमा नयाँ कार्यसमिति चयन भएको छ । यसअघि उहाँ सो मञ्चको सचिव हुनुहुन्थ्यो ।
अधिवेशनले उपाध्यक्षमा मेनुका पाण्डे आचार्य, सचिवमा जानुका ओझा, सहसचिवमा भावना भट्टराई, कोषाध्यक्षमा सरस्वती दाहाल र सहकोषाध्यक्षमा शकुन दियालीलाई चयन गरेको छ ।
सदस्यहरूमा अनुकुमारी शाह, सुमित्रा विश्वकर्मा, सिर्जना नेपाल, राधा आले मगर, मन्जु तिम्सिना, मीना बिष्ट, पार्वती राई सर्वसम्मत चयन हुुनुभएको छ ।
सुन्दरहरैचा नगरपालिकाका पूर्व नगरप्रमुख शिवप्रसाद ढकालको प्रमुख आतिथ्यतामा भएको साधारणसभा संस्थाकी अध्यक्ष मीना ओझाको सभापतित्वमा भएको थियो ।
