विराटचोकः पूर्वाञ्चल विश्वविद्यालयको हिजो भएको १३ औँ दीक्षान्त समारोहमा ख्वप इञ्जिनियरिङ कलेजकी मेधास्मी खतिवडाले तीन वटा स्वर्ण पदक पाउनुभएको छ ।
शैक्षिक वर्ष २०८० मा भएको परीक्षामा उहाँ विश्वविद्यालय प्रथम हुनुभएको थियो । ३ दशमलव ८८ जीपीएका साथ उत्तीर्ण हुनुभएकी उहाँले विश्वविद्यालय प्रथम गरेबापत युनिभर्सिटी गोल्ड मेडल पाउनुभएको हो ।
त्यस्तै, सूचना प्रविधि र इञ्जिनियरिङ कार्यक्रममा सर्वाेत्कृष्ट भएबापत उहाँले स्व. डिल्लीबहादुर अधिकारी गोल्ड मेडल पाउनुभएको छ ।
स्नातकोत्तर तहमा सर्वाेत्कृष्ट भएबापत उहाँले नारायणप्रसाद कोइराला गोल्ड मेडल प्राप्त गर्नुभएको छ ।
पूर्वाञ्चल विश्वविद्यालयको १३ औँ दीक्षान्त समारोहमा ८१५० विद्यार्थी दीक्षित
