विराटचोकः सुन्दरहरैंचाको विराटचोकमा रहेको अमय अटो ट्रेडर्सले नेपाली बजारमा भित्रिएका हिरो मोटोकर्पका ‘एक्स्ट्रिम’ सिरिजका दुई नयाँ मोटरसाइकल सार्वजनिक गरेको छ । सुन्दरहरैंचा उद्योग वाणिज्य संघका अध्यक्ष नारायण कार्कीले दुवै बाइक सार्वजनिक गर्नुभएको थियो ।
ती मोटरसाइकलहरू नेपालका लागि हिरो मोटोकर्पको आधिकारिक वितरक सिजी मोटर्सले नवलपरासीस्थित सीजी इण्डस्ट्रियल पार्कमा रहेको असेम्ब्ली प्लान्टमा असेम्बल गरिएको कम्पनीले जनाएको छ । सार्वजनिक गरिएका मोटरसाइकलमा एक्स्ट्रिम १२५ आर र एक्स्ट्रिम १६० आर रहेका छन् ।
ट्रेडर्सका सञ्चालक सन्दीप निरौलाका अनुसार नयाँ सिरिजका यी बाइकको प्रवेशले नेपाली दुई पाङ्ग्रे बजारमा नयाँ मानक स्थापित हुने कम्पनीले विश्वास लिएको छ ।
