विराटनगरः सङ्खुवासभाको प्रदेश निर्वाचन क्षेत्र (ख) बाट विजयी मादी नगरपालिकाका पूर्व नगरप्रमुख विदुर लिङ्थेप नेकपा एमाले कोशी प्रदेशको प्रमुख सचेतक नियुक्त हुनुभएको छ ।
नेकपा एमालेका संसदीय दलका नेता तथा मुख्यमन्त्री हिक्मत कार्कीले सोमबार लिङ्थेपलाई नियुक्त गर्नुभएको हो । निवर्तमान प्रमुख सचेतक रेवतीरमण भण्डारी आन्तरिक मामिला तथा कानुन मन्त्री भएपछि प्रमुख सचेतकमा मुख्यमन्त्री कार्कीले लिङ्थेपलाई नियुक्त गर्नुभएको हो ।
आन्तरिक मामिला तथा कानुनमन्त्री लीलाबल्लभ अधिकारीलाई मानव तस्करीको आरोप लागेपछि उहाँले पदबाट राजीनामा दिनुभएको थियो । अधिकारीको राजीनमा स्वीकृतसँगै सो मन्त्रालयको कार्यभार पनि मुख्यमन्त्री कार्कीले नै लिनुभएको थियो ।
