विराटचोकः झापा, मोरङ र सुनसरीका ५ जना गजलकारले आज साँझ उर्लाबारीलाई गजलमय बनाउने भएका छन् । सामुदायिक विकास मञ्च उर्लाबारीद्वारा सञ्चालित सामुदायिक पुस्तकालयको आयोजनामा गजलकारसँग भावनाका रङ्ग शीर्षकमा कार्यक्रम हुन लागेको हो ।
आज बेलुका साढे ६ बजे महारूद्र शिवालय मन्दिर, उर्लाबारी ६, सूर्य चोकमा हुने कार्यक्रममा झापाको कमल गाँउपालिका निवासी कल्पना आचार्य, झापा हल्दीबारी निवासी कुमारी चेम्जोङ, झापाको चन्द्रगढी निवासी खगेन्द्रा खुशी, सुनसरीको इनरुवा निवासी राधा सुवेदी र मोरङको उर्लाबारी निवासी मुना आत्रेयले आफ्ना रचनाहरू प्रस्तुत गर्नुहुने भएको हो ।
मञ्चका अध्यक्ष प्रेम बोहोराले स्थानीय प्रतिभाहरूलाई प्रोत्साहन गर्न यस्ता कार्यक्रमलाई निरन्तरता दिइने बताउनुभयो ।
