विराटचोकः राष्ट्रिय प्रजातन्त्र पार्टीका अध्यक्ष राजेन्द्र लिङ्देनको भन्दा दोब्बर मत ल्याई राष्ट्रिय स्वतन्त्र पार्टीका प्रकाश पाठक विजयी हुनुभएको छ ।
विजयी पाठकले ३८ हजार ६७४ मत ल्याउनुभएको थियो । प्रमुख प्रतिष्पर्धी राप्रपा अध्यक्ष लिङ्देनले १७ हजार २९४ मत ल्याउनुभएको छ । नेपाली कांग्रेसका राजेन्द्रकुमार घिमिरेले ८ हजार १९९ मत ल्याउनुभएको छ ।
नेकपा एमालेका हरिबहादुर राजवंशीले ७ हजार ४९२, श्रम संस्कृति पार्टीका दीपक तिमल्सिनाले ७ हजार ३३९ र नेपाली कम्युनिष्ट पार्टीका डिल्लीराम घिमिरेले १ हजार ४५० मत ल्याउनुभएको छ ।
अन्य उम्मेद्वारले ५४० भन्दा कम मत ल्याउनुभएको छ ।
अघिल्लो निर्वाचनमा राप्रपा अध्यक्ष राजेन्द्रप्रसाद लिङ्देन ४० हजार ६६२ मत ल्याई विजयी हुनुभएको थियो ।
