विराटचोकः प्रतिनिधि सभा सदस्य चयनका लागि फागुन २१ गते भएको निर्वाचनबाट हिमाली जिल्ला हुम्लामा नेपाली कांग्रेसका जयपति रोकाया निर्वाचित हुनुभएको छ ।
विजयी रोकायाले ८ हजार ७९७ मत ल्याउँदा नेपाली कम्युनिष्ट पार्टीका दीपेन्द्र रोकायाले ७ हजार २४३ मत ल्याउनुभएको छ । नेकपा एमालेका दल फडेराले ४ हजार ३३१ र रास्वपाकी टासी ल्हान्जोमले १ हजार ६४ मत ल्याउनुभएको छ ।
प्रगतिशील लोकतान्त्रिक पार्टीका जटिल कार्कीले २४८, नेपाल कम्युनिष्ट पार्टी माओवादीका कुम्भ बुढाले १२८ र राष्ट्रिय प्रजातन्त्र पार्टीका छक्क बुढाले १२४ मत ल्याउनुभएको छ ।
गत निर्वाचनमा हुम्लाबाट नेपाल कम्युनिष्ट पार्टी माओवादी केन्द्रका छिरिङ डम्डुल लामा भोटे १४ हजार ३७१ मत ल्याएर विजयी हुनुभएको थियो । ३ जनामात्रै उम्मेद्वार रहेको २०७९ को निर्वाचनमा नेकपा एमालेका दल रावलले ९ हजार ५१६ र राप्रपाका तेजबहादुर रावतले ३७८ मत ल्याउनुभएको थियो ।
