विराटचोकः नेपाली कम्युनिष्ट पार्टीका संयोजक पुष्पकमल दाहाल निकटतम प्रतिद्वन्द्वीको भन्दा तेब्बर बढी मत ल्याई रुकुम पूर्व १ बाट विजयी हुनुभएको छ ।
निर्वाचन आयोगका अनुसार दाहालले १०२४० मत ल्याउनुभएको हो । उहाँका निकटतम प्रतिद्वन्द्वी नेकपा एमालेका लीलामणि गौतमले ३४६२ र नेपाली कांग्रेसकी कुसुमदेवी थापाले ३०८१ मत ल्याउनुभएको छ ।
रास्वपाका लखनकुमार थापाले ७१२, प्रगतिशील लोकतान्त्रिक पार्टीका सन्दीप पुनले १८६, राप्रपाका रोशण शाहले ७३ र मंगोल नेशनल अर्गनाइजेशनकी ज्योति रोकमगरले ५४ मत ल्याउनुभएको छ ।
नेशनल रिपब्लिक नेपालका धर्मकुमार बुढाले ४८, नेपाल कम्युनिष्ट पार्टी माओवादीका जुद्धबहादुर बुढामगरले ४०, राष्ट्रिय जनमोर्चाका चन्द्रप्रसाद शाहीले २९ र जनता समाजवादी पार्टीका शिरबहादुर बुढाले ५ मत ल्याउनुभएको छ ।
जारी मतगणनमा नेपाली कम्युनिष्ट पार्टीले ८ स्थानमा अग्रता लिइरहेको छ ।
