विराटचोकः हिजो भएको निर्वाचनमा प्रगतिशील लोकतान्त्रिकका उम्मेद्वारले एक निर्वाचन क्षेत्रमा अग्रता लिएका छन् । रुकुम पश्चिम १ बाट सो पार्टीका जनार्दन शर्माले अग्रता लिनुभएको हो । गत निर्वाचनमा पनि उहाँ सोही क्षेत्रबाट निर्वाचित हुनुभएको थियो ।
निर्वाचन आयोगका अनुसार प्रलोपाका शर्माले ४१२ मतका साथ अग्रता लिँदा नेपाली कम्युनिष्ट पार्टीका गोपाल शर्माले २८७ मत पाउनुभएको छ ।
नेपाली कांग्रेसका राजु केसीले ८८, रास्वपाका मानबहादुर शाहीले ८२ र नेपाल कम्युनिष्ट पार्टी माओवादीका चन्द्रबहादुर बुढाले ४ मत ल्याउनुभएको छ ।
