विराटचोकः प्रतिनिधिसभाको सदस्यका लागि हिजो भएको निर्वाचनमा मुस्ताङबाट नेपाली कांग्रेसका खाता खोलेको छ । मुस्ताङबाट नेपाली कांग्रेसका योगेश गौचन थकाली दोस्रो पटक विजयी हुनुभएको छ ।
३३०७ मतका साथ उहाँ विजयी हुनुभएको हो । गत निर्वाचनमा पनि उहाँ विजयी हुनुभएको थियो । गत निर्वाचनमा ल्याएभन्दा कम मत ल्याएर उहाँ विजयी हुनुभएको छ ।
८ जना उम्मेद्वार रहेको सो क्षेत्रमा नेकपा एमालेका इन्द्रधारा ङादु बिष्ट दोस्रो स्थानमा रहँदै १८०६ मत ल्याउनुभएको थियो । रास्वपाका अधितीय चन्द्र थकालीले ७५९ र राष्ट्रिय प्रजातन्त्र पार्टीकी कमला लालचनले १६१ मत ल्याउनुभएको छ ।
नेपाली कम्युनिष्ट पार्टीका ङुटुक गुरुङले १५१, उज्यालो नेपालका सुरेन्द्र शेरचनले ८५, आम जनता पार्टीका अजय बिकले ९ र मंगोल नेशनल अर्गनाइजेसनका यमबहादुर गुरुङले ३ मत ल्याउनुभएको छ ।
सो क्षेत्रमा २०७९ सालको निर्वाचनमा नेपाली कांग्रेसका योगेश गौचन थकाली नै ३९९२ मतसहित विजयी हुनुभएको थियो । नेकपा एमालेका प्रेमप्रसाद तुलाचनले ३०७८, राष्ट्रिय स्वतन्त्र पार्टीका सुदेश गुरुङले ८७ र राष्ट्रिय प्रजातन्त्र पार्टी नेपालका प्रवीणकुमार शेरचनले १३ मत ल्याउनुभएको थियो ।
प्रतिनिधि सभा निर्वाचन २०८२ को पहिलो जीत घोषणा, काठमाडौं १ मा रास्वपाकी रञ्जु न्यौपाने विजयी
