विराटचोकः हिजो सम्पन्न प्रतिनिधिसभाको निर्वाचनमा म्याग्दीमा खसेको मत गणना गर्न शुरु भएको छ । प्रारम्भिक गणनमा नेपाली कम्युनिष्ट पार्टीले अग्रता लिएको छ ।
निर्वाचन आयोगका अनुसार नेपाली कम्युनिष्ट पार्टीका अर्जुनबहादुर थापाले २०१ मत ल्याएका छन् । उनलाई स्वतन्त्र उम्मेद्वार महावीर पुनले ६१ मतका साथ पछ्याइरहेका छन् ।
नेपाली कांग्रेसका कर्णबहादुर भण्डारीले ३७ मत, नेकपा एमालेका हरिकृष्ण श्रेष्ठले ८ मत, रास्वपाका युवराज रोकाले ५ मत पाएका छन् । नेपाल कम्युनिष्ट पार्टी माओवादीका क्षेत्रबहादुर घिमिरेले १ मत र श्रम संस्कृति पार्टीका विनोद रानाले १ मत ल्याएका छन् ।
