विराटचोकः आज सुन र चाँदी दुवैको भाउ बढेको छ । सुनको भाउ तोलामा ८०० रुपैयाँ र चाँदीको भाउ तोलामा ११० रुपैयाँ बढेको हो । चाँदीको भाउले आज लगातार चौथो दिन उच्च मूल्यको रेकर्ड बनाएको छ ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला २ लाख ५४ हजार १०० रुपैयाँ निर्धारण भएको छ । चाँदीको भाउ प्रति तोला ३ हजार ६५५ रुपैयाँ निर्धारण भएको छ ।
चाँदीको भाउले लगातार तेस्रो दिन उच्च मूल्यको रेकर्ड बनाएको हो । असोज ३१ गते प्रति तोला ३ हजार ३५० रुपैयाँमा कारोबार भएर उच्च मूल्यको रेकर्ड बनाएको चाँदीको भाउले सो रेकर्ड मंसिर १४ गते आइतबार तोडेको थियो । त्यसपछि दिनहुँ चाँदीको मूल्यले नयाँ रेकर्ड बनाइरहेको छ । सुनको मूल्य भने उच्च मूल्यको रेकर्डभन्दा अझै ४ हजार रुपैयाँ तल छ ।
हिजो सुनको भाउ तोलामा ३०० रुपैयाँ घटेको थियो भने चाँदीको भाउ तोलामा १० रुपैयाँ बढेको थियो ।
