काठमाडौंः आज शुरु भएको नेपाल प्रिमियर लिग (एनपीएल) को दोस्रो संस्करणको उद्घाटन खेलमा साबिक विजेता जनकपुर बोल्टसले काठमाडौं गोर्खाजलाई १३१ रनको लक्ष्य दिएको छ ।
त्रिवि क्रिकेट मैदान कीर्तिपुरमा भइरहेको खेलमा टस हारेर पहिले ब्याटिङको निम्तो पाएको जनकपुरले ६ विकेट गुमाएर १३० रन बनाएको हो । जनकपुरका लागि आसिफ शेखले सर्वाधिक ५४ रन बनाए । मयन यादवले ३४ र लाहिरु समारकूनले २२ रन बनाए । अन्यले दोहोरो अङ्क जोड्न सकेनन् ।
काठमाडौं गोर्खाज्का लागि मिलिन्द कुमारले ३ विकेट लिए भने सन्तोष यादव, साहबल आलम र करणा केसीले एक\एक विकेट लिए ।
प्रतियोगिताको फाइनल खेल मंसिर २७ गते हुनेछ ।
