विराटचोकः नेपाल प्रिमियर लिगको दोस्रो सिजनका लागि विराटनगर किंग्सलाई पीएलओ ग्रुपले मुख्य प्रायोजन गर्ने भएको छ । सुन्दरहरैंचाका प्रायोजनसम्बन्धी सम्झौतामा मङ्गलबार हस्ताक्षर गरिएको छ । पीएलओ ग्रुपका अध्यक्ष भोलेश्वर दुलालल र विराटनगरका किंग्सका तर्फबाट पारस लुनियाँले सम्झौतापत्रमा हस्ताक्षर गर्नुभएको छ ।
हस्ताक्षर कार्यक्रमलाई सम्बोधन गर्दै विराटनगर किंग्सका पारस लुनियाँले देशको विषम परिस्थितिमा पनि पीएलओ ग्रुपले खेल प्रायोजन गर्न स्वीकारेकोमा खुशी व्यक्त गर्नुभयो । पीएलओ ग्रुपद्वारा सञ्चालित नेपालीरिका होटलमा आगजनी र तोडफोडका कारण क्षति भइरहेको समयमा मुख्य प्रायोजन गर्न तयार हुनुले पीएलओको खेलप्रतिको सम्मान देखिने बताउनुभयो ।
पीएलओ ग्रुपका अध्यक्ष भोलेश्वर दुलालले आफू विराटनगर किंग्सको खेलबाट ज्यादै प्रभावित भएको बताउनुभयो । क्रिकेटमा अहिले मानिसको सबैभन्दा धेरै क्रेज रहेको तथा खेलले पर्यटन क्षेत्रको विकास र बिस्तार गर्ने भएकोले कोशी प्रदेशको गौरवको रुपमा रहेको विराटनगर किंग्सलाई सधैं सहयोग गर्न आफू तयार रहेको बताउनुभयो । पीएलओले विराटनगर किंग्सलाई हरेक सिजनमा प्रायोजन गर्ने उहाँले बताउनुभयो ।
विराटनगर किंग्समा एमएम ग्रुप, मुन्दडा ग्रुप, म्याजिक चप्पल ग्रुप सञ्चालक छन् ।
हस्ताक्षर कार्यक्रममा पीएलोओ ग्रुप, नेपालीरिका होटल तथा विराटनगर किंग्सका प्रतिनिधि र सञ्चारकर्मीको उपस्थिति थियो ।
