विराटचोकः केही दिन ह्वात्तै घटेको सुनचाँदीको भाउ हिजोदेखि फेरि ह्वात्तै बढ्न थालेको छ । हिजो सुनको भाउ तोलामा २९०० रुपैयाँ बढेको थियो भने आज ४९०० रुपैयाँ बढेको छ । चाँदीको भाउ हिजो तोलामा ५० रुपैयाँ बढेको सुनको भाउ आज तोलामा १०५ रुपैयाँ बढेको छ ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रतितोला २ लाख ४६ हजार ४०० रुपैयाँ निर्धारण भएको छ । चाँदीको भाउ प्रति तोला ३ हजार १७० रुपैयाँ निर्धारण भएको छ ।
कात्तिक ३ गते सुनको भाउ हालसम्मकै उच्च मूल्य २ लाख ५३ हजार ५०० रुपैयाँ पुगेपछि घट्न थालेको थियो । कात्तिक १२ गते सुनको भाउ तोलाको २ लाख ३६ हजार ३०० रुपैयाँसम्म झरेपछि पुनः बढ्न थालेको हो ।
