सलकपुरः सुन्दरहरैंचा बचत तथा ऋण सहकारी संस्था लिमिटेड सुन्दरहरैंचा–८ सलकपुरको चौथो वार्षिक साधारणसभाबाट नयाँ कार्यसमिति सर्वसम्मत रूपमा चयन गरिएको छ ।
नवनिर्वाचित कार्यसमितिको अध्यक्षमा हरिबहादुर पौडेल, उपाध्यक्षमा परशुराम पराजुली, सचिवमा शंकरप्रसाद भट्टराई, कोषाध्यक्षमा बद्रीप्रसाद ढकाल चयन हुनुभएको छ । सदस्यहरूमा होमबहादुर खड्का, मन्दिरा उप्रेती, समीक्षा बस्नेत दाहाल, सुमीक्षा सुब्बा, नीलम भट्टराई चयन हुनुभएको छ । लेखा संयोजक तिलकुमार नेपाल तथा लेखा सदस्यहरूमा सविता कोइराला र रेवतप्रसाद उप्रेती चयन हुनुभएको छ ।
साधारणसभामा संस्थाका अध्यक्ष लक्ष्मीप्रसाद गुरागाईंले वार्षिक प्रतिवेदन र लेखा समितिको प्रतिवेदन लेखा संयोजक गोपालप्रसाद पाठकले प्रस्तुत गर्नुभएको थियो ।
कार्यक्रममा ज्येष्ठ सेयर सदस्य नारायणप्रसाद आचार्य, पुष्पराज घिमिरे र मेहेरमान खड्कालाई सम्मान गरिएको थियो । उत्कृष्ट ऋणीको रूपमा खिलबहादुर थापा र प्रीति श्रेष्ठलाई सम्मान गरिएको थियो । बाल बचतकर्तातर्फ एलिजा राई, सुयेस सुविधा र आज्ञा भट्टराईलाई पुरस्कृत गरिएको थियो ।
