विराटचोकः शनिबार आत्मनिर्भर कृषि सहकारी संस्थाको १३ औँ वार्षिक साधारणसभा सम्पन्न भएको छ ।
संस्थाकी ज्येष्ठ सदस्य गंगा थापाको प्रमुख आतिथ्यतामा भएको साधारणसभामा संस्थाका अध्यक्ष राजु भट्टराईले सञ्चालक समितिको तर्फबाट वार्षिक प्रतिवेदन प्रस्तुत गर्नुभएको थियो ।
संस्थाका सचिव केदार श्रेष्ठले आर्थिक वर्ष २०८२\०८३ को कार्ययोजना प्रस्तुत गर्नुभएको थियो ।
साधारणसभामा संस्थाले उत्कृष्ट ऋणी पार्वता अधिकारीलाई पुरस्कृत गरेको छ । उत्कृष्ट मासिक बचतकर्ता सानु शेर्पा चेपाङ, उत्कृष्ट बाल बचतकर्ता सबल भट्टराई र ज्येष्ठ शेयर सदस्य गंगा थापालाई पनि सम्मान गरिएको थियो ।
२८२ जना शेयर सदस्य रहेको संस्थाको चुक्ता पूँजी ४८ लाख ४३ हजार रुपैयाँ रहेको छ ।
लेखा समितिका संयोजक विवेक भट्टराईले लेखा प्रतिवेदन प्रस्तुत गर्दै ऋण लगानी गर्दा सावधानी अपनाउनुपर्ने र ऋण असुलीमा ध्यान दिनुपर्नेमा जोड दिनुभएको थियो ।
कार्यक्रमको सञ्चालन उपाध्यक्ष टेकनाथ बरालले गर्नुभएको थियो भने स्वागत मन्तव्य कोषाध्यक्ष पुष्पा विकले गर्नुभएको थियो ।
