इटहरीः सुनसरीको इटहरी–२, आयुर्वेदिक टोलस्थित त्रिनेत्र अध्यात्म चिन्तन केन्द्रमा जारी श्रीमद्भागवत धन्याञ्चल सत्सङ्गको चौथो दिन १०८ शिवलिङ्गको धार्मिक विधि अनुसार सामुहिक रुद्राभिषेक गरिएको छ ।
१०८ शिवलिङ्ग स्थापना गर्ने देशभरका भक्तजन सामुहिक रुपमा रुद्राभिषेक कार्यक्रममा सहभागी भएका हुन् । सो अवसरमा निरन्तर शङ्खध्वनि पनि गरिएको थियो ।
इटहरी–२ आयुर्वेदिक टोलमा रहेको मायाघर तथा सुकल्प प्रतिष्ठानको समीपमा त्रिनेत्र अध्यात्म चिन्तन केन्द्र कोशी प्रदेशले करीब ३६ लाख रुपैयाँ लागतमा भक्तपुरका कलात्मक इँटा र नेपालमै निर्मित शिलाबाट शिवलिङ्गहरू तयार गरी स्थापना गराएको हो ।
सत्सङ्ग २१ गते समापन हुनेछ ।
