विराटचोकः पूँजी बजार सुधार कार्यदलले लगानीकर्तालाई दुई वा सोभन्दा बढी हितग्राही खाता (डिम्याट) खोल्न दिने सुझाव दिएको छ । अर्थमन्त्री रामेश्वर खनाललाई प्रतिवेदन बुझाउँदै कार्यदलले यस्तो सुझाव दिएको हो ।
कार्यदलले लगानीकर्ताको हित र पुँजी बजारको विकासका लागि विभिन्न सिफारिशहरू गरेको जनाएको छ । कार्यदलले नेपाल स्टक एक्सचेन्ज लिमिटेडले सूचीबद्ध कम्पनीहरूको वर्गीकरणलाई थप वस्तुनिष्ठ बनाउनुपर्ने सुझाव दिएको छ । यस वर्गीकरणपछि ‘जेड’ समूहमा पर्ने कम्पनीहरूको कारोबारमा शतप्रतिशत नगद मार्जिनको व्यवस्था गर्न पनि अनुरोध गरिएको छ ।
लगानीकर्ताका समस्या र गुनासोलाई तत्काल सम्बोधन गर्न गुनासो व्यवस्थापन संयन्त्र स्थापना गरी सञ्चालनमा ल्याउन पनि सुझाव दिइएको छ ।
