मादीः पुस १२ गतेदेखि नव सृजना प्रगतिशील युवा क्लब मादी, संखुवासभाको आयोजनामा हुन लागेको प्रथम ल्होसार कप–२०८० को खेलतालिका (टाइ सिट) सार्वजनिक भएको छ ।
प्रतियोगितामा नगरभित्र र बाहिरका गरी १० टोलीले प्रतिष्पर्धा गर्ने भएका छन् । समूह ए मा आयोजक नव सृजना प्रगतिशील युवा क्लबसँगै पासाङ ल्हामु क्लब, सिंह देवी स्टार क्लब, दीप ज्योति युवा क्लब र लालिमा युवा क्लब रहेका छन् ।
सूहम बी मा नवज्योति युवा क्लब, धनपोखरी युवा क्लब, पन्चकन्या युवा क्लब, फाविङ क्लब र थामडाँडा युवा क्लब रहेका छन् ।
प्रतियोगिताका खेलहरु मादी वडा नम्बर ७ बाघामा रहेको नव सृजना प्रगतिशील युवा क्लबको खेल मैदानमा सञ्चालन गरिने क्लबका कोषाध्यक्ष दाछिरि शेर्पाले बताए ।
प्रतियोगिताको पहिलो खेलमा पुस १२ गते नव सृजना प्रगतिशील युवा क्लब र पासाङ ल्हामु क्लबबीच प्रतिष्पर्धा हुने भएको छ ।
प्रतियोगिताको उपाधि विजेता टोलीले शिल्ड, प्रमाणपत्र र नगद१ लाख ११ हजार १ सय ११ हात पार्नेछ । दोस्रो हुने टिमले नगद ६६ हजार ६ सय ६६ तथा सेमीफाइनल पुग्ने अन्य दुई टोलीले प्रति टोली २० हजार नगद पाउनेछन् ।
आयोजकका अनुसार नगर बाहिरका क्लबहरुलाई यातायात खर्च वापत प्रति टोली रु ५ हजार उपलब्ध गराइनेछ भने प्रत्यक खेलमा म्यान अफ द म्याच घोषणा गरी उचित नगत पुरस्कार दिइने भएको छ ।
प्रतियोगिता समापनसँगै हरेक वर्ष ल्होसारको अवसरमा आयोजना हुँदै आएको ल्होसार सांस्कृतिक साँझ कार्यक्रम पुस १५ गते हुने भएको छ ।
