विराटचोकः वरुण हाइड्रोपावर कम्पनी लिमिटेडले आज असार ३१ गतेदेखि शतप्रतिशत हकप्रद शेयर बिक्री गर्ने भएको छ । कम्पनीले ५३ लाख ५८ हजार १५० कित्ता हकप्रद शेयर अङ्कित मूल्य १०० रुपैयाँमा बिक्री गर्न लागेको हो ।
हकप्रद शेयरको लागि कम्पनीले जेठ २२ गते बुक क्लोज गरेकाले जेठ २१ गतेसम्म कायम लगानीकर्ता हकप्रद शेयरको हकदार हुनेछन् । हाइड्रोपावरले जारी गर्न लागेको हकप्रद शेयरमा लगानीकर्ताले साउन १९ गतेसम्म आवेदन दिन सक्ने बिक्री प्रबन्धक आरबीबी मर्चेन्ड बैंकिङ लिमिटेडले जनाएको छ ।
सो हकप्रदमा बिक्री प्रबन्धक आरबीबी मर्चेन्ड बैंकिङ लिमिटेड र राष्ट्रिय वाणिज्य बैंकका तोकिएका शाखा कार्यालयबाट आवेदन दिन सकिनेछ । धितोपत्र बोर्डबाट आस्बा अनुमति प्राप्त बैंक तथा वित्तीय संस्था र मेरो शेयरमार्फत् पनि आवेदन दिन सकिनेछ ।
सो कम्पनीको चुक्तापूँजी ५३ करोड ५८ लाख १५ हजार रुपैयाँ छ ।
