काठमाडौंः हालै नियुक्त नेपाल राष्ट्र बैंकका गभर्नर प्रा.डा. विश्वनाथ पौडेलले आफ्नो सम्पत्ति विवरण प्रस्तुत गर्नुभएको छ । सुन, गाडी र हीराबाहेक उहाँको सम्पत्ति साढे १६ करोड रुपैयाँबराबरको छ ।
गभर्नर पौडेलको आफ्नै नाममा ३ वटा बैंक खाता छन् भने प्रतिभा शर्माको नाममा ३ वटा छन् । बैंक खातामा भएको सबै नगदलाई आफैंले आर्जन गरेको विवरणमा उल्लेख छ । दुई वटा डलर खाता पनि छ । त्यस्तै उहाँसँग रहेको डलर खातामा भने कुल ४ हजार ५ सय १६ डलर छ । बाँकी खातामा गभर्नरको कुल बचत २६ लाख ८६ हजार रुपैयाँ छ ।
प्रतिभा शर्माको नाममा ललितपुरको सैँबु र नवलपरासी गैँडाकोटमा घरजग्गा रहेको विवरणमा उल्लेख छ । पौडेल सानिमा बैंक, सानिमा मिडल तमोर, ग्लोबेको प्रालि, संयुक्त ऊर्जा हाइड्रोपावर र चिवन इनर्जीका संस्थापक तथा साधारण शेयर होल्डर हुनुहुन्छ । ग्लोबेकोमा प्रतिभा शर्माका नाममा पनि लगानी छ ।
पौडेलले सबै सम्पत्तिको स्रोत पैतृक र स्वआर्जन उल्लेख गर्नुभएको छ ।
