विराटचोकः यही जेठ २८ गतेदेखि ३० गतेसम्म काठमाडौंमा भएको राष्ट्रपति रनिङ शिल्डअन्तर्गत तेक्वान्दो खेलको पुम्से विधामा रेवा काफ्लेले कास्य पदक जित्नुभएको हो ।
काफ्ले सुन्दरहरैंचा– ९ मा रहेको बालसदन एकेडेमीकी विद्यार्थी हुनुहुन्छ । उहाँ नगर, जिल्ला तथा प्रदेश स्तरमा स्वर्ण पदक जित्दै केन्द्रीय राष्ट्रपति रनिङ शिल्डको लागि कोशी प्रदेशको प्रतिनिधित्व गर्दै खेलमा सहभागी हुनुभएको थियो ।
काफ्लेले स्थानीय स्तरमा तेक्वान्दो खेलाडीको रुपमा पहिचान बनाउनुभएको छ । उहाँले विभिन्न राष्ट्रिय तथा अन्तर्राष्ट्रिय तेक्वान्दो प्रतियोगिताहरूमा विभिन्न पदकहरू जितेर आफूलाई सफल खेलाडीको रूपमा प्रमाणित गर्नुभएको छ ।
