विराटचोकः परोपकार महिला समूहको सहजीकरण तथा सुन्दरहरैंचा नगरपालिकाको आर्थिक सहयोगमा पाक कला बेकरी तालिम आजदेखि शुरू भएको छ ।
गोल्डेन क्राउनमा शुरु भएको तालिममा २४ जना महिलाहरूको सहभागिता रहेको छ । तालिमको उद्घाटन गर्दै प्रमुख अतिथि तथा सुन्दरहरैंचा नगरपालिकाकी उपप्रमुख अकली चौधरीले महिलाहरूलाई स्वरोजगार बनाउन तालिम आयोजना गरिएको बताउनुभयो ।
प्रशिक्षक सिद्धार्थ उप्रेतीले केक, पाउरोटी, ब्रेड, डुनट, सुप, पराठा लगायतका बेकरी सामग्री बनाउने विधि सिकाइने जानकारी दिनुभयो ।
सामाजिक शाखा प्रमुख गुणनिधि दाहालले प्रशिक्षार्थीले सिकेको सीपलाई व्यवहारमा उतार्नुपर्नेमा जोड दिनुभएको थियो ।
