काठमाडौंः नेपाल स्टक एक्सचेञ्ज (नेप्से) को प्रमुख कार्यकारी अधिकृत (सीईओ) मा चुडामणि चापागाईँ नियुक्त हुनुभएको छ । उहाँले आजै अर्थ मन्त्रालय गएर नियुक्ति पत्र बुझेर त्यसपछि नेप्से कार्यालय पुगेर पद बहाली गर्नुभएको छ ।
सोमबार बसेको मन्त्रिपरिषद् बैठकले चापागाईँलाई सीईओमा नियुक्त गर्ने निर्णय गरेको थियो । झापाका चापागाईँसँग लामो समय सानिमा बैंकमा आबद्ध रहेर काम गरेको अनुभव छ । पछिल्लो समय भने उहाँ सानिमा रिलायन्स लाइफ इन्स्योरेन्सका डेपुटी जनरल म्यानेजर हुनुहुन्थ्यो ।
चापागाईँले उर्लाबारी बहुमुखी क्याम्पसमा पनि अध्यापन गराउनुभएको थियो ।
