विराटचोकः सुनको भाउले आज पनि उच्च मूल्यको रेकर्ड कायम गरेसँगै लगातार चौथो दिन उच्च मूल्यको रेकर्ड बनाएको छ । आज सुनको भाउ तोलामा १ हजार ८०० रुपैयाँ बढेको छ । चाँदीको भाउ भने स्थिर रहेको छ ।
नेपाल सुनचाँदी व्यवसायी महासंघका अनुसार आज सुनको भाउ प्रति तोला १ लाख ७९ हजार ९०० रुपैयाँ कायम भएको छ । चाँदीको भाउ प्रति तोला २ हजार ३५ रुपैयाँ निर्धारण भएको छ ।
हिजो सुनको भाउ तोलामा १ हजार १०० रुपैयाँ र चाँदीको भाउ तोलामा १० रुपैयाँ बढेको थियो ।
