विराटचोकः सुन्दरहरैंचा–५ मा रहेको नयाँ वृन्दावन गौशाला र नेपाल ज्योतिष परिषद कोशी प्रदेश समितिको संयुक्त प्रयासमा नयाँ वृन्दावन गौशालामा नवग्रह अनुसन्धान केन्द्रका साथै वास्तु प्रदर्शनी तथा विज्ञान गृह बन्ने भएको छ ।
नयाँ वृन्दावन गौशालाका संरक्षक दीनबन्धु शास्त्रीले हालै “फूलको होली मिलन कार्यक्रम” मा सो योजना सुनाउँदा उपस्थित स्थानीय उत्साहित भएका थिए । होली मिलन कार्यक्रमका प्रमुख अतिथि कोशी प्रदेशका मुख्यमन्त्री हिक्मतकुमार कार्कीलाई परिषद्ले ज्ञापनपत्र बुझाएको थियो ।
ज्ञापनपत्र बुझ्दै मुख्यमन्त्री कार्कीले आयोजनाको डीपीआर तयार पार्न सुझाव दिनुभएको थियो ।
