विराटचोकः पूर्वाञ्चल विश्वविद्यालयमा मेडिकल अस्पताल तुरुन्त सञ्चालन गर्न र हाल विश्वविद्यालयले दिइरहेको स्वास्थ्य सेवालाई २४ घण्टा नै सुचारु गराउन माग गर्दै सुन्दरहरैंचामा क्रियाशील स्वतन्त्र नागरिक समाज र नागरिक समाजले संयुक्त ज्ञापनपत्र बुझाएका छन् ।
मङ्गलबार विश्वविद्यालयका उपकुलपति प्रा. डा. यादवराज कोइरालाको कार्यकक्षमा मङ्गलबार दुवै संस्थाले संयुक्त रुपमा ज्ञापनपत्र बुझाएका हुन् ।
ज्ञापनपत्र बुझ्दै उपकुलपति प्रा. डा. कोइरालाले आफू कार्यकालको अन्तिम समयतिर आइपुगेको र विश्वविद्यालयबाट बिदा हुनुअघि रात्रिकालीन उपचार सेवा शुरु गराउने लक्ष्य रहेको बताए ।
मेडिकल कलेज सञ्चालनको लागि प्रक्रिया चलिरहेको हुनाले आगामी शैक्षिक सत्रदेखि कलेज सञ्चालन शुरु हुने सम्भावना रहेको रजिष्ट्रार नीलमणि पोखरेलले जानकारी दिए ।
