विराटचोकः नेपाल धितोपत्र बोर्डले सूचीकृत कम्पनीलाई संस्थापक शेयरको लकइन पिरियड खुलेको जानकारी सार्वजनिक गर्न निर्देशन दिएको छ । बैंक र बीमाबाहेक नेप्सेमा सूचीकृत कम्पनीको संस्थापक शेयर बाँडफाँड भएको मितिले ३ वर्षसम्म बिक्री गर्न नपाइने प्रावधान छ ।
बोर्डले नेपाल स्टक एक्सचेन्ज, सिडिीएस एन्ड क्लियरिङ र सम्पूर्ण सूचीकृत संस्थाहरुलाई निर्देशन दिँदै लक इन पिरियड सकिनु ३० दिन अगाडि नै लगानीकर्तालाई सो को जानकारी दिन निर्देशन दिएको हो ।
बोर्डले सार्वजनिक रुपमा जानकारी गराउँदा लकइनमा रहेको शेयर संस्थापक हो कि स्थानीय प्रभावित हो, लक इनमा रहेको शेयर संख्या र लक इन अवधि समाप्त हुने मिति समेत स्पष्ट रुपमा खुलाई सार्वजनिक सूचना प्रकाशन गर्नुपर्ने जनाएको छ । सो सूचना एक हप्तासम्म सबैले सहजै देख्न सक्ने गरी संम्बन्धित संस्थाले आफ्नो वेवसाइटमा समेत राख्नुपर्ने बोर्डको निर्देशनमा उल्लेख छ ।
सुचीकृत कम्पनीले पठाएको लकिङ अवधिसम्बन्धी सूचना नेपाल स्टक एक्सचेन्ज र सिडिएसले पनि आफ्नो वेव साइटमा कम्तीमा १ हप्ता राख्न बोर्डले निर्देशन दिएको छ ।
