विराटचोकः मोरङको सुन्दरहरैंचा स्थित सुकुना बहुमुखी क्याम्पसमा रक्तदान कार्यक्रम सम्पन्न भएको छ । पूर्वविद्यार्थी समाजले मङ्गलबार गरेको रक्तदानमा ६९ पिण्ट रगत सङ्कलन भएको हो ।
समाजका अध्यक्ष नारायण सुवेदीको अध्यक्षतामा भएको सो कार्यक्रममा प्रमुख अतिथिका रुपमा क्याम्पस सञ्चालक समितिका अध्यक्ष केशव अधिकारी रहेका थिए ।
विद्यार्थी र क्याम्पस परिवारबीच मध्यस्थकर्ताको भूमिकाको लागि र क्याम्पसको विकासको लागि सधैँ सिर्जनात्मक कार्यक्रम गरिराख्ने समाजका सचिव अर्जुन गजुरेलले बताए ।
पूर्व विद्यार्थी, नागरिक समाजका व्यक्तिहरू, अध्ययनरत विद्यार्थीहरू, शिक्षक, कर्मचारीहरू लगायतले रक्तदान गरेका थिए ।
