विराटचोकः देशभर पश्चिमी वायु र स्थानीय वायुको आंशिक प्रभाव रहेको छ । जसका कारण आज कोशी, गण्डकी, कर्णाली र सुदूर पश्चिमका पहाडी भूभागमा वर्षा हुने सम्भावना छ ।
जल तथा मौसम पूर्वानुमान महाशाशाखाका अनुसार शनिबार बिहान कोशी प्रदेश लगायत देशका पहाडी भू–भागमा आंशिक बदली रही कोशी प्रदेशका एक दुई स्थानमा हल्का वर्षा भइरहेको छ । शनिबार राति पनि पहाडी भू–भागमा आंशिक बदली रही बाँकी भू–भागमा आंशिक बदलीदेखि मौसम मुख्यतया सफा रहने विभागको पूर्वानुमान छ ।
कोशी प्रदेश र गण्डकी प्रदेशका पहाडी भू–भागका एक–दुई स्थानमा राति पनि छिटपुटदेखि हल्का वर्षाको सम्भावना रहेको महाशाखाले जनाएको छ ।
