विराटचोकः लगातार बजार घट्ने क्रमले निरन्तरता पाएसँगै नेप्से परिसूचक २५ सय विन्दुबाट तल ओर्लिएको छ । फाइनान्स समूहमा सर्वाधिक गिरावट आएको दिन आज नेप्से परिसूचक २ दशमलव ३३ प्रतिशत अर्थात ५८ दशमलव ९३ अंकले घटेर २ हजार ४७०.३९ विन्दुमा अडिएको हो ।
आज ३०९ वटा कम्पनीको ७७ हजार २६४ पटकको कारोबारमा १ करोड ५५ लाख ४ हजार ९२९ कित्ता शेयर किनबेच हुँदा ५ अर्ब ६८ करोड ९५ लाख ६१ हजार ३५६ रुपैयाँको शेयर किनबेच भएको छ ।
नेप्सेमा सूचीकृत १३ वटै समूहमा रातो पोतिएको दिन आज एनएलजी इन्स्योरेन्सको सर्वाधिक १८ करोड ४१ लाख ७६ हजार ७६ रुपैयाँको शेयर किनबेच भएको छ । सानिमा रिलायन्स, हिमालयन रि इन्स्योरेन्स, अपि पावर र सानिमा माइ हाइड्रो उच्च कारोबार गर्ने कम्पनीमा परेका छन् ।
आज स्वरोजगार लघुवित्तको शेयरमूल्य सर्वाधिक ८ दशमलव ८१ प्रतिशतले बढ्दा अपर स्याङ्गे हाईड्रो, ईङ्वा हाईड्रो उच्च मूल्य बढ्ने कम्पनीमा परेका छन् ।
आज हिमालयन हाईड्रोको शेयरमूल्य सर्वाधिक अर्थात १० प्रतिशतले घट्दा नेपाल फाइनान्स, बृद्धभूमि नेपाल हाईड्रो, श्वेत गंगा हाईड्रो उच्च मूल्य घट्ने कम्पनीमा परेका छन् ।
बजार घटेसँगै समग्र बजार पूँजीकरण पनि ४० खर्बबाट झरेको छ । आज समग्र बजार पूँजीकरण ३९ खर्ब २८ अर्ब १२ करोड १६ लाख ९१ हजार ९९० रुपैयाँ निर्धारण भएको छ ।
