सुनको भाउ तोलामा ११०० रुपैयाँ घट्दा चाँदीको घट्यो ५ रुपैयाँ

विराटचोकः हिजो हालसम्मकै उच्च मूल्यमा कारोबार भएको सुनको भाउ आज तोलामा १ हजार १ सय रुपैयाँ घटेको छ । चाँदीको भाउ भने तोलामा ५ रुपैयाँ घटेको छ ।

नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख ५१ हजार ९०० रुपैयाँ निर्धारण भएको छ । चाँदीको भाउ प्रति तोला १ हजार ८३० रुपैयाँ निर्धारण भएको छ ।

हिजो सुनको भाउ तोलामा ८०० रुपैयाँ र चाँदीको भाउ तोलामा १५ रुपैयाँ बढेको थियो ।