इटहरीः गायक प्रकाश तिमिल्सिनाको शनिवार साँझ निधन भएको छ ।
सुनसरी स्थायी घर भएका उहाँ ललितपरको भैँसेपाटीमा बसोबास गर्दै आउनुभएको थियो । गायक तिमिल्सिनालाई शनिवार साँझ ६ बजे आफ्नो घरकै ओछ्यानमा अचेत अवस्थामा फेला पारिएको थियो । गायक तिमिल्सिनाको पारिवारिक स्रोतले दिएको जानकारी अनुसार उनलाई तत्काल उपचारका लागि पाटन अस्पताल लगिए पनि चिकित्सकले मृत घोषणा गरेका थिए ।
गायक तिमिल्सिना २०६५ सालमा ईमेज च्यानलले आयोजना गरेको एउटा रियालिटी शोमा विजयी भएपछि साङ्गीतिक क्षेत्रमा छाएका थिए । तिमिल्सिनाले गाएका गीतहमध्ये प्रिय तिम्रो सिउँदोमा सिन्दुर भर्न देऊ, तिम्रो हातको सिन्दुर, जुन भन्दिन, तिमीलाई देखेर आँखा त्यहीँ छोडी हिंडे म आदि छन् ।
२०४५ सालमा कोशीमा आएको बाढीले घर परिवार सबै गुमाएका उनले आँखाको ज्योति पनि गुमाएका थिए।
