विराटचोकः आज सुनको भाउले उच्च मूल्यको रेकर्ड कायम गरेको छ । सुनको भाउ आज तोलामा १ हजार ८ सय रुपैयाँ बढेर तोलाको १ लाख ४७ हजार ७ सय रुपैयाँ पुगेको छ ।
चाँदीको भाउ तोलामा १५ रुपैयाँ बढेर १ हजार ९ सय पुगेको छ । यसअघि आइतबार सुनको मूल्य उच्च बिन्दुमा पुग्दा तोलाको १ लाख ४५ हजार ४ सय रुपैयाँमा कारोबार भएको थियो ।
नेपाल सुनचाँदी व्यवसायी महासंघका अनुसार आज तेजाबी सुनको भाउ प्रति तोला १ लाख ४६ हजार रुपैयाँ निर्धारण भएको छ ।
हिजो सुनको भाउ तोलामा ८ सय रुपैयाँ र चाँदीको भाउ तोलामा १५ रुपैयाँ बढेको थियो ।
